Page 60 - Microsoft Word - BA 16.doc

Асосий сектор ва йўлларни режалаштириб бўлингандан сўнг, кўчатларни
бевосита экиш ўринлари аниқланади. Кўчатларни экиш ўрнини аниқлашда энг
маъқули бу оддий ёғоч рейкадир. Чунки, у на чўзилади ва на тораяди (аниқлик
даражаси жуда юқори).

Расм-30. Кўчатларни айнан белгиланган жойга 99% аниқлик билан экиш жараёни.

Кўчатларни экиш ўрни аниқлаб чиқилгандан сўнг, 40х60 см.ли чуқур қазилиб,
кўчатларни вертикал равишда, пайванд қилинган жойини худди 30-расмда
кўрсатилгандек, яъни кўчатхонадаги тупроқ сатҳида қилиб экилади (ҳар бир турдаги
пайвандтак учун ер сатҳидан пайванд жойини чиқиб туриш даражаси турлича бўлади).
Экилган ҳар бир туп кўчатга 5 литр миқдорда бирламчи сув қуйиб, яхшилаб оёқ билан
пресслаб туриб яна тупроқ чўкишини ҳисобга олган ҳолда бир оз қўшимча тупроқ
ташлаб қўйилади. Қаторларга экилган кўчатларни марказдан узоғи билан 5 см. гача
фарқ қилган ҳолда экилса, келгусида техника воситаларини боғ қатор орасидан юриб
агротехник тадбирларини бажараётган вақтларида дарахтларни зарарламаслиги
таъминланади. Умуман олганда қуйидагиларга боғ экиш жараёнида амал
қилишингизни тавсия қиламиз:
Барча жараёнларни бажарилишида мутахассислар ёрдамидан фойдаланинг!
Боғни бичишни катта аниқлик билан бажаринг!
Боғга кўчатларни экмасдан аввал томчилатиб суғориш тизимини ўрнатиб уни
ишлаш қобилиятини синовдан ўтказиб олинг!
Агар боғ симбағазларда парвариш қилиш усулида режалаштирилган бўлса, у
ҳолда устунларни аввалдан ўрнатиб олинг, ундан сўнг кўчатлар экилиши билан кетма-
кет симларни тортиб боринг!
Кўчатларни совуқхонадан олиб келадиган бўлсангиз, ўртача 18 соатгача
кўчатларни оқар сувга солиб қўйинг, бунда танасига қуёш нурларини тушмаслигини
таминланг!

53