Page 104 - Microsoft Word - BA 16.doc

Метеостанция имкониятлари:
Сутканинг 24 соат давомида об - ҳаво маълумотларини онлайн режимида йиғиш

Маълумотларни онлайн ва вақт оралиғидаги ҳисоботни кўриш (минут, соат, кун,
сутка, ой ёки йил)
Ҳар кунги маълумотларни 5 йил давомида сақлаб туриши мумкин
Ташқи тизимларни бошқариши мумкин (масалан суғориш тизими)

СМС орқали тезкор маълумот узатиш функцияси мавжудлиги (тизимни ишдан
чиқиши, электр зарядни пастлиги, кескин ҳароратнинг совиб кетиши,..)

Метеостанциялар қуйидаги ишларни бажаришда ёрдам беради:
Касаллик ва ҳашоротларга қарши курашиш оралиқларини аниқлашда
Ўсимликларни касалланиш эҳтимолини пасайишига ёрдам беради
Зараркунанда ҳашоротларнинг хужум қилиш эҳтимолини камайтиради

Ўсимликларни ҳимоя қилиш воситаларига бўлган харажатларни иқтисод қилишга
ёрдам беради
Суғориш меъёрини экин турига кўра аниқлашда ёрдам беради

Ҳосил миқдори ва сифатини ошишига ёрдам беради
Қуйида биз Фарғона водийсининг 3 та вилоятида ўрнатилган метеостанциялар
тўғрисида мисол сифатида тўхталиб ўтамиз.

Симсиз бошқариладиган T-WARNER номли метеорологик станция:
Ушбу метеостанция заруратга кўра 300 тагача турли хилдаги сенсорларни улаш
мумкин. Ҳар бир фойдаланувчи ўз талаб ва эҳтиёжларидан келиб чиқиб сенсорлар

турини танлаб олади. Ушбу метеостанциядан олинган маълумотлар махсус сайтга
келиб тушгандан сўнг, у ерда махсус моделлар асосида у ёки бу турдаги ўсимликлар
учун хавф солиши мумкин бўлган касаллик ёки ҳашоротларни ривожланиш даражаси
яъни тарқалиш даражасини кўришимиз мумкин бўлади. Ушбу маълумотлар келиб

тушган об - ҳаво маълумотларига асосланган ҳолда махсус дастурлар томонидан
ҳисоблаб берилади, лекин ушбу дастурлардан олинган хабарларни далада визуал
кузатувларга солиштирган ҳолда мутахассислар ҳақиқатдан ҳам касалликларни бор

ёки йўқлиги тўғрисида хулоса чиқаришади. Чунки, метеостанциядан олинган об - ҳаво
маълумотларини ҳар бир турдаги касаллик ва ҳашорот, агарда ҳақиқатдан ҳам мавжуд
бўлганда аниқ ҳисоб китобларга таяниб, шу кундаги ривожланиш босқичи тўғрисидаги
маълумотни фермерга етказиб беради.

95